Tocante Landsrecherche
Landsrecherche a wordo estableci pa medio di un Ordenansa Ministerial 23 di februari 1993. E motivo pa estabelece esaki tabata e necesidad existente pa gobierno crea un organo di investigacion neutral, cu lo ta encarga pa investiga obhetivamente e actonan contra di ley cometi pa funcionarionan publico y otro personanan den oficinanan publico. Aki tin di haber cu actonan contra ley cometi den nan funcionnan.
E tarea principal di Landsrecherche ta pa detecta y investiga conductanan posiblemente criminal di funcionarionan publico y semi-publico. Ademas, Landsrecherche ta investiga incidentenan violento den cua a ocaciona lesionnan grave of morto, y den cual polis of agentenan di investigacion por ta involucra. Ta trata di un investigacion tocante e hechonan y e circunstancianan di e accion policial.
Landsrecherche ta un departamento di investigacion cu ta depende directamente di e autoridad di e Procurador General.
Kico Landsrecherche ta haci?
Landsrecherche ta hunga un papel importante durante e deteccion y investigacion di corupcion oficial. Como funcionario, administrado of representante di pueblo, e por haci of deshaci di e confiansa cu e cuidadanonan tin den gobierno. Pesey, ta importante cu nan ta actua semper cu integridad y cautela.
Den caso di un comportamento (probablemente) contra di ley cometi den gobierno, Landsrecherche por inicia un investigacion. Esaki ta wordo haci den nomber di e Procurador General y / of den su nomber riba peticion di fiscal mayor.
Ta trata, por ehempel, di investigacionnan tocante corupcion, filtracion di informacion, fraude of violacion di e confidencia di parti di e functionarionan. Ademas di realisa investigacionnan, Landsrecherche tambe ta desplega cada biaha mas nan experiencia pa comparti nan conocemento cu e autoridadnan gubernamental, di moda cu e administradonan por traha pa preveni e violacionan di integridad y e resistencia general den gobierno. Otro tarea importante di Landsrecherche ta e realisacion di investigacionnan penal riba incidentenan violento y grave den cua agentenan policial ta involucra y tambe functionarionan gubernamental cu functionnan policial.
Nos ta referi den esaki, por ehempel, na e investigacionnan den cual agentenan investigado ta uza un arma di candela den e ehecucion di nan funcion, y un hende a resulta herida.
Landsrecherche tambe ta investiga ora cu un persona muri den un cel di polis. Pa tur e partidonan involucra ta importante, cu lo wordo haci un investigacion independiente y imparcial: di e forma aki e victimanan y familiarnan sa exactamente kiko a pasa, pero tambe tambe importante pa e polis sa si el a actua legalmente.
Finalmente, Landsrecherche ta wordo acerca pa casonan debi na nan experiencia especial of debi na e relacionan delicado cu ta hunga un papel durante un caso.
